करातेमा नेपालका दिवसलाई रजत

काठमाडौं । १३ औं दक्षिण एसियाली खेलकुद (साग) अन्तर्गत करातेमा नेपालका दिवस श्रेष्ठले कुमुतेतर्फ रजत पदक जितेका छन् ।

सातदोबाटोस्थित कराते हलमा सोमबार दिवसले पुरुष ८४ केजीमा रजत जितेका हुन् ।

पाकिस्तानका अवाइस मोहम्दसङ २-२ को बराबरी गरेपनी धेरै फल गर्दै धेरै चेतवानी पाएपछि अयोग्य बनेका थिए । खेलमा अग्रता बनाएपनी बारम्बार गल्ती गर्दा अयोग्य भएका हुन् ।

सेमिफाइनलमा दिवसले बंगलादेशका मोहम्मद राम्जनलाई ६-१ अंकले हराएका थिए । यस्तै पाकिस्तानका अवाइसले श्रीलङ्काका जयाकोडीलाई ८-४ अंकले पराजित गरेका थिए ।