महिला क्रिकेटमा नेपाल १० विकेटले विजयी

काठमाडौं । १३ औं साग अन्तर्गत महिला क्रिकेटमा नेपालले विजयी सुरुवात गरेको छ  ।

पोखरा रंगशालामा सोमबार भएको खेलमा नेपालले माल्दिभ्सलाई १० विकेटले पराजित गर्यो ।

माल्दिभ्सले दिएको १७ रनको लक्ष्य नेपालले मात्र ५ बलमा विना विकेटको क्षतिमा पुरा गर्यो । नेपालका काजोल श्रेष्ठले अविजित १३ रन जोडिन । सिता राना मगर सुन्य रनमा अविजित रहिन् ।

अब नेपालले डिसेम्बर ४ मा बंगलादेश र डिसेम्बर ६ मा श्रीलंकासँग खेल्नेछ ।

शीर्ष दुई टोलीले स्वर्णका लागि प्रतिस्पर्धा गर्ने छन् ।