एजेन्सी । साविक विजेता लिभरपुल च्याम्पियन्स लिग फुटबलको नकआउट चरण नजिक पुगेको छ ।
मंगलबार राति भएको खेलमा केआरसी जेन्कलाई २–१ पराजित गर्दै लिभपुरल अघिल्लो चरण नजिक पुगेको हो ।
लिभरपुललाई जित दिलाउन जर्जिन्हो विजनाल्डम र एलेक्स अक्सलेड चेम्बरलिनले एक एक गोल गरेका थिए ।
१४ औ मिनेटमा विजनाल्डमको गोलबाट लिभरपुलले अग्रता लिएको थियो ।
पाहुना टोलीका समाटाले ४० औ मिनेटमा खेल बराबरीमा ल्याएका थिए ।
५३ औ मिनेटमा चेम्बरलिनले घरेलु टोलीका लागि विजयी गोल गरेका थिए ।
जोर्गेन क्लोप नेतृत्वको लिभरपुल पहिलो खेलमा नापोलीसग पराजित भएको थियो । त्यो नै चालू सिजनमा लिभरपुलले हारेको एक मात्र खेल हो ।
उसले लगातार तीन खेलमा लगातार जित निकाल्दै नकआउट चरण नजिक पुगेको हो ।
जित सहित समूह ईमा लिभरपुलले शीर्ष स्थानमा पुनरागमन गरेको छ । उसले ४ खेलबाट ९ अंक जोडेको छ ।
दोस्रो स्थानको नापोलीको ८ अंक छ । जेन्क एक अंक बटुल्दै तालिकाको चौथो स्थानमा छ ।
