काठमाडौं । बेलारुसमा भएको गोमेल कप अन्तर्राष्ट्रिय कराते च्याम्पियनसिपमा पदक जित सफल खेलाडीहरु नगदसहित सम्मानित भएका छन् ।
नेपाल सितोरियो कराते संघ, शाखा डोजो उत्तर बाहिनीले शुक्रबार पदक जित्न सफल ७ खेलाडी, प्रशिक्षक र अफिसियललाई सम्मान गरेको हो ।
च्याम्पियनसिपका शाखा डोजो उत्तर बाहिनीका ग्याल्मो सोमिका लामाले एक स्वर्ण र एक रजत जितेका थिए । यस्तै पासाङ तामाङले एक रजत र एक कास्य जित्दा विशाल केसी, सन्जिब तामाङ, विश्वास हायु, रोशन खाती, सन्जना माझीले कास्य जितेका थिए ।
डोजोले स्वर्ण र रजत विजेता लामालाई नगद १५ हजार तथा रजत र कास्य विजेता तामाङलाई १० हजार नगदबाट सम्मानित गरेको हो । कास्य विजेता अन्य खेलाडीलाई भने जनही ५/५ हजारबाट सम्मानित गरिएको थियो ।
विजेता खेलाडीलाई प्रदेस नं ३ का सांसद रामेश्वर फुयाल, गोकर्णेश्वर नगरपालिका वडा नम्बर ४ का अध्यक्ष श्रीकुमार श्रेष्ठ, नगरपालिकाका प्रमुख सल्लाहकार दीपक रिसाल लगायतले पुरस्कृत गरे ।
