बोस्टन क्रिकेट एकेडेमी च्याम्पियन

काठमाडौं । कचनकवल प्रिमियर लिग (केपीएल) को उपाधि बोस्टन क्रिकेट एकेडेमीले जितेको छ ।

झापामा बिहिबार भएको फाइनलमा युनाइटेड क्रिकेट एकेडेमीलाई ५ विकेटले हराउँदै बोस्टन च्याम्पियन बनेको हो ।

कचनकवल गाउँपालिकामा युनाइटेडले दिएको १४६ रनको लक्ष्य बोस्टनले १९ ओभर १ बलमा ५ विकेट गुमाएर पुरा गर्यो । यसअघि युनाइटेडले २० ओभरमा ७ विकेट गुमाएर १४५ रन बनाएको थियो ।

उपाधिसँगै बोस्टनले ६० हजार नगद पुरस्कार पाएको छ । उपविजेता युनाइटेडले ३५ हजारमा चित्त बुझायो ।

प्रतियोगितामा विशाल आचार्य म्यान अफ दि सिरिज चुनिए । यस्तै समिर कार्की सर्वाधिक रन जोड्ने खेलाडी चुनिदा सुशान्त सिंह सर्वाधिक विकेट लिने खेलाडी बने । अंकित श्रेष्ठ उत्कृष्ट फिल्डर चुनिए ।

आदर्श क्रिकेट क्लबको आयोजनामा भएको प्रतियोगितामा ८ टिमको सहभागिता रहेको थियो ।