एजेन्सी । रुसी विश्वकपले प्रशंसकलाई धेरै हिसाबले निराश बनाएन । यस विश्वकपको भावना, उत्तेजनाको मिश्रण थियो । अचम्म बनाउने नतिजा थियो । संगै थियो, विवाद ।
भिएआर युगको सुरुवात
फुटबल कप फुटबलको इतिहासमा पहिलो पटक भिडियो असिस्टेन्ट रेफ्री (भीएआर) प्रणालीको प्रयोग गरिएको थियो । मैदान भित्र हुने सबै गलत र निश्चित हुन नसकिएको बिषयमा निर्णय लिन सकियोस । त्यस बिषयमा रेफ्रीलाई कुनै प्रकारको समस्या नहोस भनेर भीएआर प्रणाली सुरु गरिएको थियो । तर, भीएआरलाई लिएर धेरै असहमती समेत छन् ।
केहिले भनेका छन्, यसले मैदान भित्रको गलत निर्णय लिनबाट त बचाएको छ तर खेलको रोमाञ्चकता भने घटाएको छ । तर भारको असर विश्वकप धेरै खेलमा समेत देखियो ।
म्यारोडोनाको चटक
अर्जेन्टिनाका महान फुटबलर डिएगो म्याराडोनाले कहिल्यैपनि कुनै काम लुकेर गरेनन् । यस विश्वकपमा समेत उनी खुल्ला रुपमा प्रस्तुत भए । म्याराडोनालाई राम्रोसंग थाहा छ, विश्वको ध्यान कसरी आफुमा खिच्न सकिन्छ । भलै उनीमाथी मानिसको ध्यान सधै सहि समयमा जादैन । यसपटक समेत उनले निकै उत्साहित बनेर आफ्नो टिमको समर्थन गरेका थिए ।
रंगशालामा सिगार खाएर उनले धुम्रपान निषेध क्षेत्रको समेत वेवास्ता गरे । अर्जेन्टिनी टिमबाट गोल हुने वित्तिकै उनले माझी औला देखाएर अभद्र इशारा गर्न समेत भ्याए । म्याराडोनाले राउण्ड १६ को खेलमा कोलम्बिया टिमविरुद्ध इङ्ल्याण्डको पेनाल्टीको समेत कडा आलोचना गरेका थिए । उनले एक टिभी कार्यक्रममा यसलाई मैदान भित्र भएको ठुलो चोरी भनि टिप्पणी गरेका थिए । विवादास्पद टिप्पणीपछि उनले माफी समेत माग्नु परेको थियो ।
बदनाम जापान
अक्सर जापान विवादबाट टाढै रहने देश हो । तर, यसपटक विश्वकपमा जापान अपवाद बन्यो । जापानले खेल हारेपछि रंगशाला सफा गर्दै सबैको मन जितेको समेत थियो । तर पोल्याण्डविरुद्धको तेस्रो खेलमा उसले खराब व्यवहार प्रर्दशन गर्यो । पोल्याण्डसंग १–० ले पराजित भएसंगै उसले मैदानमा बिना कारण समय खेर फाल्ने काम गयो । अर्कोतिर सेनेगलको टिम कोलम्बियासंग हारेको थियो । यस्तोमा पोल्याण्डसंग पराजित भएपनि जापान नकआउट चरणमा छनोट भएको थियो । जापानी टिमको यस्तो व्यवहारलाई लिएर धेरै आलोचना भएको थियो ।
दुई मुखवाला बाज
फिफाको नियम अनुसार खेलाडी र टिमको खेलको समय कुनै राजनीतिक टिप्पणी गर्न पाईदैन । तर, स्विटजरल्याण्डका ग्रेनिट जाका र शेरडान शाकिरीले सर्बियाविरुद्ध गोल गरेपछि हातबाट इशारा गर्दै दुई मुख भएको बाज बनाएका थिए ।
दुई हातबाट इशारा गर्ने प्रक्रिया एक राष्ट्रवादी प्रतीक हो । अल्बानियाको राष्ट्रिय झण्डामा समेत दुई मुखवाला बाज देख्न सकिन्छ । आलोचकहरुको भनाई थियो, सर्वियाली राष्ट्रवादी र अल्बानिया मुलका मुस्लिमबीच सो संकेतले तनाव बढ्न सक्छ ।
शाकिरी अल्बानियाली मुलका मुस्लिम परिवारमा भएको थियो । जब उनी एक बर्षका थिए, त्यसपछि उनीको परिवार स्विटजरल्याण्ड गएको थियो । जाकाका जन्म स्विटजरल्याण्डको बसेल शहरमा अल्बानिया मुलको मुस्लिम परिवारमा भएको थियो । छुटाउन नहुने कुरा, युगोस्लावियाबाट अलग हुने ६ देशमा सर्विया समेत एक थियो ।
महिला पत्रकारका यौन उत्पीडन
यस पटक फिफा विश्वकपमा महिला पत्रकारको यौन उत्पीडनको धेरै बिषय सतहमा आए । कोलम्बियाली संवाददाता जुलियथ गोजालेज थेरान रुसको एक सडकमा लाईभ रिर्पोटिङ गरिरहेकी थिएन् । त्यही समय एक अपरिचित आए, उनको स्तनमा हात राखे र गालामा चुम्बन गरे । जुलियथले सो समय लाइभलाई यथावत राख्दै आफ्नो रिर्पोटिङ बिना कुनै रुकावट जारी राखेकी थिइन् । पछि इन्टरनेटमा यस घटनामाथी प्रतिक्रिया दिदै उनले आफु माथी भएको घटनाको निन्दा गरेकी थिईन् ।
-1750070144.JPG)
-1750064258.webp)
-1750047432.webp)
