नाडाललाई हराउदै जोकोभिच विम्बल्डन टेनिसको फाइनलमा

एजेन्सी । सर्बियन स्टार नोभाक जोकोभिच विम्बल्डन टेनिसको फाइनलमा प्रवेश गरेका छन् । शनिबार भएको सेमिफाइनलमा विश्व नम्बर दुई राफायल नाडाललाई हराउदै जोकोभिचले फाइनल यात्रा तय गरेका हुन् ।

सेन्टर कोर्टमा १२ औं बरियताका जोकोभिचले नाडाललाई ६-४,३-६ र ७-६(११-९),३-६ र १०-८ ले हराए । योसंगै जोकोभिचले सन् २०१५ पछि पहिलोपटक विम्बल्डनको फाइनलमा स्थान बनाएका हुन्  । तीन पटकको बिजेता जोकोभिचले अब  आठौं बरियताका दक्षिण अफ्रिकी खेलाडी केभिन एण्डरसनसंग खेल्ने छन् ।

एण्डरसनले अमेरिकाका जोन इस्नरलाई हराएर फाइनल यात्रा तय गरिसकेका छन् । फाइनल आइतबार हुनेछ ।