नेपालको पहिलो जित

काठमाडौं । बंगलादेशमा जारी फिबा यू-१६ एसियन च्याम्पियनसिप साबा क्वालिफायर बास्केटबलमा नेपालले पहिलो जित दर्ता गरेको छ । 

बिहिबार बेलुका भएको खेलमा माल्दिभ्सलाई पराजित गर्दै नेपालले पहिलो जित निकालेको हो । नेपालले माल्दिभ्सलाई ७८-३२ अंकले पराजित गरेको हो ।

यसअघि नेपालले लगातार दुई खेलमा पराजय व्यहोरेको थियो । नेपाल पहिलो खेलमा भारत र दोस्रो खेलमा श्रीलंकासँग पराजित भएको थियो  ।

अब नेपालले शुक्रबार बंगलादेशसँग खेल्नेछ  ।

प्रतियोगितामा नेपालसहित आयोजक बंगलादेश, भारत, श्रीलंका र माल्दिभ्सले प्रतिस्पर्धा गरिरहेका छन् ।