पोखरा । आगामी बर्ष आयोजना हुने आईसीसी विश्वकप क्रिकेटको 'विश्वकप ट्रफी' पोखरा रंगशालामा प्रर्दशन गरिएको छ ।
विश्वकप ट्रफी नेपाली राष्ट्रिय क्रिकेट टोलीका कप्तान पारस खड्काले उचाल्दै सार्वजनिक गरेका थिए । 'ट्रफी टुर' अन्तर्गत शुक्रबार नेपाल ल्याईएको ट्रफी शनिबार बिहान पोखरा रंगशाला ल्याइएको हो ।
पोखरा प्रिमियर लिग पीपीएलमा सम्पुर्ण खेलाडी र प्रशिक्षक व्यस्त भएकाले सो स्थानमा ट्रफी प्रर्दशनीमा राखिएको आईसीसीकी नेपाल प्रतिनिधि भावना घिमिरेले खेलपाटीलाई बताईन् ।
शुक्रबार नेपाल आएको ट्रफी साँझ काठमाडौंको स्वयम्भुनाथ परिसरमा प्रर्दशनीमा राखिएको थियो । ट्रफीलाई भोली काठमाडौंको चन्द्रागिरी हुँदै प्रधानमन्त्री केपी शर्मा ओली समक्ष समेत देखाईनेछ ।
आगामी बर्ष इङल्याण्ड र वेल्समा हुने विश्वकप क्रिकेटको ट्रफी नेपालमा चार दिने राखिनेछ ।
