क्योकुशिन करातेमा कास्की टिम च्याम्पियन

काठमाडौं । नेपाल क्योकुशिन–कान कराते संघको आयोजनामा चितवनमा सम्पन्न प्रथम अल नेपाल क्योकुशिन–कान कराते प्रतियोगिता कास्की जिल्ला टिम च्याम्पियन बनेको छ ।

नारायणगढमा आइतबार सम्पन्न प्रतियोगितामा कास्की जिल्लाले ३ स्वर्ण, ४ रजत तथा ९ काश्य पदक जित्दै टिम च्याम्पियन बनेको हो ।

प्रतियोगिताको पुरुषमा पि.एन.डोजो कास्कीका धिरज परियार तथा महिलामा केन्द्रिय डोजोकी सरु पुटुवार उत्कृष्ट खेलाडी घोषित भएका थिए ।

प्रतियोगितमा विभिन्न १६ जिल्लाका १७२ जना खेलाडीहरुको सहभागिता रहेको थियो ।