एसटिएस टेलिभिजनलाई उपाधि

धनगढी । एसटिएस टेलिभिजनले नेपाल आईस मिडिया कप फुटसल प्रतियोगिताको उपाधि जितेको छ । बुधबार भएको फाईनलमा पश्चिम टुडेलाई १४–४ गोल अन्तरले पराजित गर्दै एसटिएसले उपाधि जितेको हो ।

फ्ल्याटल्याण्ड फुटसल एसटिएसलाई उपाधि दिलाउन शंकर बोहराले ७, सागर शाहले ५ र जितेन्द्र रावलले २ गोल गरे। पश्चिम टुडेका लागि दिपक उपाध्याय र रोशन चौधरीले समान २/२ गोल गरे।

उपाधिसंगै एसटिएसले १५ हजारसंगै ट्रफी र प्रमाणपत्र हात पारेको छ । पश्चिम टुडेले ७ हजार सहित ट्रफी र प्रमाणपत्रमा चित्त बुझाएको छ ।

प्रतियोगितामा उत्कृष्ट खेलाडी पश्चिम टुडेका दीपक उपाध्याय, उत्कृष्ट गोलकिपर पश्चिम टुडेकै आभाष उपाध्याय र सर्वाधिक गोलकर्ता एसटिएसका सागर शाह भए। प्रतियोगितामा फेयर प्ले अवार्ड दिनेश एफएमले जितेको छ।