विधांशु कुमार ।
एजेन्सी । जुन ५, २०१९ । यही दिन भारतीय टिमले विश्वकप २०१९ को यात्रा सुरु गर्नेछ । पहिलो खेल हुने दक्षिण अफ्रिकाविरुद्व साउथह्याम्टनमा ।
भारतीय टिमका प्रशंसकलाई खुसी मात्र एक चिजले दिनेछ, त्यो भनेको उपाधि हो । उनीहरुको भरोसा र जितका कारण समेत छन्, जसलाई विश्व क्रिकेटले विराट कोहलीको नामले चिन्नेगर्छ ।
विराट टेष्ट क्रिकेट, वन डे क्रिकेट र टी ट्वान्टी क्रिकेटका नम्बर एक व्याट्सम्यान हुन् । उनको प्रशंसा ईङ्ल्याण्डका पुर्व कप्तान माइकल वानले गरेका थिए, जब ईङ्ल्याण्डविरुद्व वन डे क्रिकेटमा ३ सय ५१ रनको लक्ष्य भारतले सफलतापुर्वक पुरा गरेको थियो ।
भर्खरै एक कार्यक्रममा ईङ्ल्याण्डका पुर्व अलराउण्डर तथा आईसीसी वल्र्ड कपका ब्राण्ड एम्बेस्डर एन्ड्रयु फ्लििन्टफले भनेका छन्, विराट सचिन तेन्दुल्कर भन्दा राम्रा खेलाडी हुन् । सायद ‘अलटाईम’ उत्कृष्ट खेलाडी हुन् ।
उनै उत्कृष्ट खेलाडी तथा कप्तानसंग करोडौ प्रशंसकको आशा छ, भारतले पुन एक पटक विश्वकपको उपाधि जित्नेछ ।
तर सफलताको यस शिखरमा पुग्ने विराटको यात्रा सजिलो भने थिएन ।
विराटनको जन्म दिल्लीको एक मध्यमवर्गीय सामान्य परिवारमा भयो । उनका बुवा प्रेम कोहलीको सपना थियो, विराट एक दिन ठुलो क्रिकेटर बनेर भारतको लागि खेलेको हेर्ने ।
उनले विराटको भर्ना दिल्लीका प्रशिक्षक राजकुमार शर्माको एकेडेमीमा गरि दिएका थिए ।
विराटको लगनशिलता र प्रशिक्षकको मेहनतले उनी सफलता सिढी चढ्दै गए । र दिल्लीको रणजी टीममा पर्न सफल भए ।
त्यसपछि घटना यसरी विकसीत भए, विराट राता रात युवा खेलाडीबाट एक परिपक्क क्रिकेटर बन्ने दौड पुरा गरे ।
एक घटना यसमा स्मरणीय छ ।
दिल्लीले रणजी ट्रफीमा कर्नाटकसंग खेल्न गईरहेको थियो । दिल्लीको अवस्था निकै नाजुक थियो । र दिल्ली खेलमा फर्कने सम्भावना निकै कम थियो । ४ सय ४६ रनको लक्ष्य पछ्याएको दिल्लीले ५ विकेट गुमाएर १ सय ३ रनमा दिनको खेल सकाएको थियो । विराट ४० रनमा नटआउट थिए । विराटको घरको अवस्था निकै नाजुक थियो । बुवा प्रेम केही दिन यता सिकिस्त थिए । सोही रात उनको निधन भयो ।
प्रशिक्षक राजकुमार शर्माले एक अन्तरवार्तामा भनेका छन्, जब उनी अष्ट्रेलियामा थिए, उनलाई विराटको फोन आएको थियो ।
प्रशिक्षकले भनेका छन्, ‘फोनमा विराट रोईरहेका थिए । उनले घटना सुनाए र खेल्ने\नखेल्ने सुझाव मागेका थिए । मैले सोधे, तिमी के गर्न चाहन्छौ । उनले भने म खेल्न चाहन्छु । मैले उनको कुरामा सहमत जनाए । केही घण्टापछि उनले फेरी फोन गरेर रोएका थिए । अम्पायरले गलत तरिकाले आउट दिएको उनको गुनासो थियो । उनको क्रिकेट प्रतिको लगाब यसरी पुष्टि हुन्छ ।’
विराटले केही समयको अन्तरमा यु–१९ टिमको कप्तानीको जिम्मेवारी पाए । उनको टिमले विश्वकपको उपाधि समेत जित्यो । उनले भारतीय सिनियर टिममा दाबी पेश गरिसकेका थिए । उनलाई रोक्ने अवस्था समेत थिएन । सन् २००८ मा उनले श्रीलंकाविरुद्व डेब्युको मौका पाएका थिए । आफ्नो पहिलो सिरिजमा अर्धशतक प्रहार गर्दै उनले शानदार अन्तराष्ट्रिय डेब्यु गरे ।
वन डेमा विराटले एक पछि अर्को गर्दै रेकर्ड बनाउन सुरु गरेका थिए । लक्ष्य पछ्याउने क्रममा उनको गतिलाई कसैले भे्टाउन सक्ने अवस्था रहेन ।
लक्ष्य पछ्याउने क्रममा विराटले ८४ खेलमा २१ शतक प्रहार गरेका छन् । जसमा ५ हजार भन्दा धेरै रन बनाएका छन् । यस क्रममा भारतलाई खेल जिताउन उनले १८ पटक शतक प्रहार गरेका छन् ।
वन डे क्रिकेटमा लक्ष्य पुरा गर्ने सवालमा कुनैपनि खेलाडीले विराट भन्दा अगाडी छैनन् ।
‘विराटले जसरी रन बनाईरहेका छन्, जब उनी सन्यास लिन्छन्, ब्याटिङको धेरै रेकर्ड उनको नाममा हुनेछ ।’ धेरै क्रिकेट पण्डित यसै भन्छन् ।
जसरी उनी शतक बनाउछन्, त्यो निकै अद्वितीय छ । उनले ४९ अर्धशतक र ४१ शतक प्रहार गरेका छन् । उनको ब्याटिङ हेर्दा लाग्छ, क्रिजमा रहन विराट कति मन पराउँछन् भनेर । उनी हरेक पटक दुई अर्धशतकलाई शतकमा जोड्न कति मन पराउँछन् भन्ने उनको ब्याटिङले बोल्छ ।
विराट कोहलीका लागि अबको विश्वकप तेस्रो पटक हो । पहिलो पटक उनी सन् २०११ म विश्वकप खेलेका थिए । २१ बर्षको उमेरमा विश्व च्याम्पियन भएका थिए ।
उनले बंगलादेशविरुद्व शतक बनाएका थिए । विरेन्द्र सेहवागसंग मिलेर २ सय रनको साझेदारी गरेका थिए । श्रीलंकाविरुद्व फाईनलमा धोनीको हेलिकप्टर सट र गौतम गम्भिरको शानदार पालीलाई सबैले याद गर्छन । त्यही पालीमा कोहलीले गम्भिरसंग मिलेर ८५ रनको महत्वपुर्ण साझेदारी गरेका थिए । जसले भारतको जितको आधार तय गरेको थियो ।
दोस्रो पटक उनले अष्ट्रेलिया र न्युजिल्याण्डमा खेलेका थिए । यस प्रतियोगितामा पाकिस्तानविरुद्व कोहलीले १ सय २६ बलमा १ सय ७ रन बनाएका थिए । सो खेल भारतले ७६ रनले जितेको थियो ।
कोहलीको बिशेष प्रभावले भारतले समुहको शीर्ष स्थानमा रहदै समुह चरण पार गरेको थियो । तर अष्ट्रेलियाविरुद्वको सेमिफाईनलमा उनी मात्र १ रनमा आउट भए ।
अब हुन गईरहेको ईङ्ल्याण्डको विश्वकप कोहलीको तेस्रो विश्वकप हो ।
कोहली पछिल्लो बर्ष जबरजस्त फर्ममा छन् । र उनले लगातार शतक प्रहार गरिरहेका छन् । क्रिकेटका पण्डितका अनुसार विराट अहिले करियरकै उच्च फर्ममा छन् । भारतीय क्रिकेट टिम अहिले सन्तुलित टिमको रुपमा अगाडी आएको छ । जसमा अनुभवी र युवा शक्तिको समिश्रण छ ।
टिमबाट महेन्द्रसिंह धोनी अन्तिम पटक विश्वकप खेल्दैछन् ।
के कोहलीको टिमले विश्वकप २०१९ जित्न सफल होला ?
तर प्रशंसक भन्छन्, विश्वकप कोहली र ईन्डियाको हो ।
(बीबीसीबाट)
-1746755007.webp)
