आन फुटसलको सेमिफाईनल समिकरण पुरा

काठमाडौं । ‘नेपाल आईस आन फुटसल टुर्नामेन्ट’को सेमिफाईनल समिकरण पुरा भएको छ । नेपाल विज्ञापन संघ आनको आयोजना गरेको प्रतियोगितामा मिडिया बास्केट, शीलापत्र डटकम, मिडिया हब र भोग एण्ड एण्ड इभेन्ट सेमिफाइनलमा प्रवेश गरेका छन् ।

फाईनल प्रवेशका लागि शनिबार मिडिया बास्केट र शीलापत्र डटकम तथा मिडिया हब र भोग एड एण्ड इभेन्ट प्रतिस्पर्धा गर्नेछन् ।

सानेपाको फिल्ड फुटसल शुक्रबार भएको प्रि क्वार्टरफाईनलमा कान्तिपुर मिडिया ग्रुपले एड रिलिजलाई १–० ले हरायो । अर्को खेलमा मिडिया बास्केटले माछापुच्छ्रे बैंकलाई ३–२, शिलापत्र डटकमले मुक्तिनाथ विकास बैंकलाई २–१ र बराह ज्वेलर्सले सफ्ट नेपलाई २–१ गोल अन्तरले पराजित गर्न सफल भयो ।

अन्य खेलमा मिडिया हबले क्यूएफएक्सलाई ४–३ ले, पिक्सनले न्यूज २४ टिभीलाई २–० ले, वेलकमले जनता टिभीमाथि ७–० ले, भोगले सर्वोत्तम सिमेन्टलाई ७–० गोल अन्तरले हरायो ।

क्वार्टरफाइनलमा मिडिया बास्केटले कान्तिपुर मिडिया ग्रुपलाई पेनाल्टीमा ३–२ गोल अन्तरले हरायो ।

यस्तै, शीलापत्र डटकमले बराह ज्वेलर्सलाई पेनाल्टी सुटआउटमा ३–१ गोल अन्तरले पराजित गर्यो ।

मिडिया हबले पिक्सनलाई ४–३ र भोग एण्ड इभेन्टले वेलकम मिडियालाई पेनाल्टीमा ३–१ गोल अन्तरले हराउँदै अन्तिम ४ को यात्रा तय गरे ।

प्रतियोगिताको विजेताले १ लाख उप विजेताले ७५ हजार नगद पुरस्कार पाउँदा तेस्रो हुने टिमले ५० हजार प्राप्त गर्ने छ ।