काठमाडौं । ब्राइट फ्युचर गणेशमान सिंह स्मृति एसईई कप फुटसल प्रतियोगिताको ब्वाइजतर्फ शनिबार प्रिक्वाटरफाइनलमा प्रवेश गरेको छ ।
काठमाडौं खेलकुद समाजद्वारा आयोजित प्रतियोगितामा चिल्ड्रेन हेभन, रिब्स, ग्रास रुट फुटसल एकेडेमी, गोल्स फुटबल एकेडेमी, लर्ड बुद्ध, एफसीएच यस र सामाखुशी फुटसलले पनि प्रिक्वाटरफाइनलमा स्थान सुरक्षित गरे ।
यसअघि शारदा एकेडेमी, धुकु फुटसल, अरोरा, फोरेस्ट किङ, त्रिज्योति, इन्साइट भिजन ‘ए’, आयोजक काठमाडौं खेलकुद समाज र एक्सेल्सियरले प्रिक्वाटरफाइनलमा स्थान बनाइसकेका छन् ।
