गणेशमान सिंह एसईई कप फुटसल शुक्रबारबाट

काठमाडौं । गणेशमान सिंह एसईई कप फुटसल च्याम्पियनसिप शुक्रबारबाट सुरु हुने भएको छ । 

आयोजक काठमाडौं खेलकुद समाजले प्रतियोगिता शुक्रबार सुरु हुने जानकारी गराएको हो ।

बुढानिलकण्ठ मण्डिखाटारस्थित ग्रासरुट फुटसल सेन्टरमा हुने प्रतियोगितामा उपत्यकाका ४० सहित कुल ४९ टिमको सहभागीता रहने आयोजक समाजका अध्यक्ष दामोदर भट्टराई (बद्रि) ले बताए ।

लिगकम नकआउटका आधारमा हुने प्रतियोगिताको विजेताले २५ हजार सहित उपाधि हात पार्ने छन् ।

प्रतियोगिता सञ्चालनका लागि कुल ५,५०,००० खर्च हुने आयोजकले बताएको छ ।