आठौं राष्ट्रिय खेलकुद : ४५ स्वर्णसहित आर्मीको अग्रता

गृहपृष्ठ
अन्य

शनिबार, वैशाख ७, २०७६ खेलपाटी संवाददाता

काठमाडौं । नेपाली खेलकुदको कुम्भमेला आठौं राष्ट्रिय खेलकुद प्रतियोगिता प्रदेश ५ मा जारी छ । बृहत खेलकुद प्रतियोगिता अन्तर्गत शुक्रबारबाट आठौंको दशौं दिनको खेल सकिएको छ ।

गत चैत २७ बाट सुरु प्रतियोगितामा शुक्रबारसम्म १२१ स्वर्णसहित कुल ४४३ पदकको टुंगो लागिसकेको छ । जसमा विभागीय टोलीले आफ्नो वर्चश्व कायम गरेका छन् ।

पदक तालिकामा हालसम्म विभागीय टिम त्रिभुवन आर्मी क्लबले सर्वाधिक पदक जितेको छ । आर्मीले ४५ स्वर्ण, ३१ रजत र २७ कास्य पदकसहित कुल १०३ पदक जितेको छ ।

यस्तै नेपाल पुलिस क्लबले २२ स्वर्ण, २० रजत र २१ कास्य पदकसहित कुल ६३ पदक जितेको छ । सशत्र प्रहरीको एपीएफ क्लबले १७ स्वर्ण, १६ रजत र २८ कास्यसहित कुल ६१ पदक जितेर तेस्रो स्थानमा रहेको छ ।

प्रदेश ३ ले ९ स्वर्ण, १५ रजत र ३३ कास्य पदक गरी ५७ पदक हात पारेको छ । गण्डकीले ६ स्वर्ण,७ रजत र १९ कास्यसहित ३२ पदक जित्दा सुदुरपश्चिम प्रदेशले ६ स्वर्ण,५ रजत र १४ कास्यसहित २५ पदक जितेको छ ।

यस्तै प्रदेश २ ले ६ स्वर्ण,६ रजत र ५ कास्यसहित १७ पदक जितेको छ ।

प्रदेश ५ ले ४ स्वर्ण,१०रजत र २४ कास्यसहित ३८ पदक, प्रदेश १ ले ३ स्वर्ण, ९ रजत र २६ कास्यसहित ३८ र कर्णाली प्रदेशले २ स्वर्ण,१ रजत र २ कास्यसहित ५ पदक जितेको छ ।

आठौंमा ३५ खेल समावेश गरिएको छ । राष्ट्रिय खेलकुदकै इतिहासमा प्याराग्लाइडिङ खेल पहिलो पटक समावेश गरिएको छ भने एनआरएनए टिम पनि पहिलोपटक सहभागी हुँदैछ ।

आठौं राष्ट्रियमा समग्रमा २८ सय २५ पुरुष तथा २३ सय ८६ महिला गरी जम्मा ५२ सय ११ खेलाडी सहभागी हुने छन् । ३७२ स्वर्ण, त्यत्ति नै रजत र ५६३ कांस्यका भिडन्त हुनेछ ।

तालिका :

Province 1	3	9	26	38
Province 2	6	6	5	17
Province 3	9	15	33	57
Gandaki Province	6	7	19	32
Province 5	4	10	24	38
Karnali Province	2	1	2	5
Farwest Province	6	5	14	25
Nepal Army	45	31	27	103
Nepal Police	22	20	21	63
APF	17	16	28	61
NRNA	1	0	3	4
Total	121	120	202	443

प्रतिक्रिया दिनुहोस्

ताजा समाचार
खेल आज