काठमाडौं । राजर्षी जनक कप फुटबलको उद्घाटन खेलमा आयोजक बागमती युवा क्लब र सरस्वती युथ क्लबबीच प्रतिस्पर्धा हुने भएको छ ।
आयोजक बागमती युवा क्लबले सार्वजनिक गरेको खेल तालिका अनुसार पहिलो खेलमा आयोजक र सरस्वतीबीच खेल हुने भएको हो ।
बागमती नगरपालिका सर्लाहीको सह आयोजनामा हुने प्रतियोगिताको उद्घाटन खेल चैत २५ गते हुनेछ । उद्घाटन खेलको विजेताले रुस्लान थ्री स्टारसंग क्वाटरफाइनलमा खेल्ने छन् ।
सर्लाही फुटबल संघको प्राविधिक सहयोगमा हुने प्रतियोगिता १२ टोलीले सहभागिता जनाउने छन् । प्रतियोगितामा आयोजक बागमती, सरस्वती, थ्री स्टार, सुदुरपश्चिम-११, हिमालयन शेर्पा,एपीएफ क्लब, बिरगंज युनाईटेड, फ्रेन्ड्स क्लब, बागमती नगरपालिका, नेपाल पुलिस र झापा-११ रहेका छन् ।
यस्तै प्रतियोगितामा भुटानको पारो क्लबले पनि सहभागिता जनाउने छन् ।
प्रतियोगिताको विजेताले १० लाख नगद प्राप्त गर्दा उपविजेताले ५ लाख पाउने छ ।
-1751767608.webp)
