काठमाडौं । सिल्क ग्रुपका प्रिन्स दाहाल र एपीएफका दिपेश धामी १५ औं कृष्ण मोहन स्मृती राष्ट्रब्यापी खुल्ला ब्याडमिन्टन प्रतियोगिताको क्वाटरफाइनलमा प्रवेश गरेका छन् ।
हलचोकस्थित एपिएफको कभर्डहलमा पुरुष एकलको प्रिक्वाटरफाईनलमा प्रिन्सले आर्मीका दिवश संकरलाई २१-११ र २१-७ ले पराजित गरे । दिपेशले एपिएफकै पेम्बा शेर्पालाई २२-२० र २१-११ को जित निकाल्दै अन्तिम आठमा स्थान बनाए ।
यस्तै एपिएफका गौतम सिंह कठायत, सुदीप सेढाई, सुनिल जोशी र साजन कृष्ण ताम्राकारले पुरुष एकलको क्वाटरफाईनलमा स्थान बनाएका छन् ।
ब्वाईज यु– १७ तर्फ प्रिन्सले जित हात पार्दै अन्तिम आठमा स्थान बनाए । उच्च बरियताका प्रिन्सले धन्वन्तरीका सुदन तामाङ्गलाई २१-६ र २१-५ ले पराजित गरे ।
यस्तै महेन्द्रनगरका प्रकाश चन्द, एपिएफका प्रियान्सु सिंह क्षेत्री, धनगढीका अमृत चौधरी, मोरङ्गका उज्जल पोखरेल, एपिएफका पेम्बा शेर्पा, कञ्चनपुरका गोकुल जोरा र आर्मीका दिवस संकरले अन्तिम आठमा स्थान बनाए ।
गल्र्स यु–१७ मा मोरङ्गकी निता लम्साल, झापाकी अन्जना राई र बिरगंजकी स्मृती राई पनि अन्तिम आठमा स्थान बनाउन सफल भए ।
मिक्स डबल्सतर्फ भएको एकमात्र प्रतिस्पर्धामा एपिएफ र भोजपुरका निर बिक्रम देवकोटा र सिता राईको जोडीले इटहरी र झापाका भोब बहादुर गुरुङ्ग र अंजना राईको जोडीलाई २१-७ र २१- ४ ले पराजित गर्दै क्वाटरफाईनलमा स्थान बनाए ।
महिला युगलतर्फको खेलमा एपिएफका शोभा गौचन र सुनैना मुखियाको जोडीले बिरगंज र झापाका स्मृती राई र अंजना राईको जोडीलाई २१-११ र २१-७ ले पराजित गर्दै क्वाटरफाईनलप्रवेश गरे ।
पुरुष युगलतर्फको खेलमा दिपेश धामी र बिजित थापा मगरको जोडीले एपिएफ र म्याग्दीका मनोज डगौरा र बिजय बानियाको जोडीलाई २१-१२ र २१-१६ ले पाखा लगाउँदै क्वाटरफाईनलमा स्थान बनाए ।
यस्तै पुलिसका दीपक बोहरा र जीवन आचार्यको जोडी, एपिएफका बिशाल प्रधान र बिमल श्रेष्ठको जोडी, एपिएफकै सुमन लिम्बु र जोसेफ अधिकारीको जोडी, एपिएफका सुनिल जोशी र गौतम सिंह कठायतको जोडी र एपिएफका सुदिप सेढाई र साजन कृष्ण ताम्राकारको जोडीले पनि क्वाटरफाईनल यात्रा तय गरे ।
यसैगरि प्रिन्स र निर बिक्रम देवकोटाको जोडी र आर्मीका प्रफुल महर्जन र सुरोज महर्जनको जोडीले समेत क्वाटरफाईनलमा स्थान पक्का गरे ।
यस्तै महिला एकलतर्फको खेलमा मोरङकी सिमा राजबंशी, एपिएफकी सुनैना मुखिया, एपिएफकी शोभा गौचन र जेशिका गुरुङले अन्तिम आठमा स्थान बनाएकी छिन् ।
यस्तै आर्मीका रञ्जना भट्ट, रशिला महर्जन र अनुमाया राईले पनि अन्तिम आठमा स्थान बनाए ।
-1755526339.jpg)
