काठमाडौं । एपिएफका दिपेश धामी र सिल्क ग्रुपका प्रिन्स दाहाल १५ औं कृष्ण मोहन स्मृती राष्ट्रब्यापी खुल्ला ब्याडमिन्टन प्रतियोगिताको पुरुष एकलतर्फ प्रिक्वाटरफाईनलमा प्रवेश गरेका छन् ।
हलचोकस्थित एपिएफको कभर्डहलमा दिपेशले म्याग्दीका विजय बानियालाई २१-८ र २१-८ को सेटमा पराजित गर्दै प्रिक्वाटरफाईनलको यात्रा तय गरे । प्रिन्सले एपिएफका ईन्द्र महतालाई २१-१२ र २१- १० को सोझो सेटमा पराजित गरे ।
यस्तै पेम्बा शेर्पा, गौतम सिंह कठायत, सुदीप सेढाई, निरञ्जन देवकोटा, बिजित थापा मगर, सुनिल जोशी निर बिक्रम देवकोटा र साजन कृष्ण ताम्राकारले पनि प्रिक्वाटरफाइनलमा स्थान बनाएका छन् । पेम्बाले नेपाल पुलिसका हिरा राईलाई २०-२२, २१-२३ र २३-२१ ले, गौतमले इटहरीका भोजबहादुर गुरुङलाई २१-१५ र २१-१५ ले, सुदीपले कञ्चनपुरका गोकुल जोरालाई २६-२४ र २१-१३, निरञ्जनले आर्मीका बिशाल खड्कालाई २१-१४ र २१-१९ बिजितले जेष्ट ब्याडमिन्टन एकेडेमीका सुजन थापालाई २१-१७ र २१-१९, सुनिल जोशीले पुलिसका पूर्णबहादुर थापालाई २१-९ र २१ । १६, निरबिक्रमले जेष्टकै अखिल श्रेष्ठलाई २१-१६ र २१-१३ ले तथा साजनले कैलालीका अमृत चौधरीलाई २१-१३ र २१-१५ ले पाखा लगाए ।
प्रतियोगितामा आर्मीका प्रफुल महर्जन, दिवश संकर र रुकेश महर्जनले पनि प्रिक्वाटरफाइनलमा स्थान बनाए । प्रफुलले जेष्टका अनिष खतिवडालाई २१-७ र २१-११, दिवशले स्वयंभुका गोकुल तामाङ्गलाई २१-९ र २१-१३ र रुकेशले एपिएफका सुमन लिम्बुलाई २१-१३ र २१-१६ ले पराजित गरे ।
त्यस्तै नेपाल पुलिसका दीपक बोहरा, बिष्णु कटुवाल र जीवन आचार्यले प्रिक्वाटरफाइनल यात्रा तय गरेका छन् । दीपकले आर्मीका पविन लिनथेपलाई २१-१७ र १९-२१ र २१-१५, बिष्णुले जेष्टका अनिष तामाङ्गलाई २१-८, २१-१० ले तथा जीवनले एपिएफका प्रियांशु सिंह क्षेत्रीलाई २१-१४ र २१-११ ले पराजित गरे ।
पुरुष युगलतर्फ प्रिन्स दाहाल अन्तिम १६ मा स्थान बनाउन सफल भए । प्रिन्सले एपिएफका निर बिक्रम देवकोटासंग मिलेर ललितपुरका मनिष बज्राचार्य र रकेश शाक्यको जोडीलाई २१-११ र २१-९ ले पराजित गर्दै अन्तिम १६ प्रवेश गरेका हुन् ।
एपिएफका दीपेश र बिजित थापामगरको जोडी पनि बाई हात पार्दै अन्तिम १६ मा सिधै प्रवेश गरे । यस्तै बाई हात पार्दै सिधै प्रिक्वाटर प्रवेश गर्ने अन्य जोडीमा त्रिभुवन आर्मीका रुकेश महर्जन र पविन लिनथेप तथा प्रफुल महर्जन र सुरोज महर्जनको जोडी पनि रहे ।
पुरुष युगलतर्फ एपिएफ र म्याग्दीका मनोज डगौरा र बिजय बानियाको जोडीले ललितपुरका निशेष राज शाक्य र सुजित महर्जनको जोडीलाई २१-१३ र २१-१३ ले, एपिएफका बिशाल प्रधार र बिमल श्रेष्ठको जोडीले धादिङ्गका मोहन गुरुङ र रुपक श्रेष्ठको जोडीलाई २१-९ र २१-१० ले, एपिएफका पेम्बा शेर्पा र प्रियांशु सिंह क्षेत्रीले जेष्टका राम बानिया र सुजन थापाको जोडीलाई २१-१७, १२-२१ र २१-१९ले, पुलिसका दीपक बोहरा र जीवन आचार्यको जोडीले जाजरकोटका राजु भँडेल र ठगेन्द्र रानाको जोडीबाट वाक ओभर, सूर्खेत र बाराका नरेन्द्र बम र अनिश खतिवडाको जोडीले एपिएफका राजीव पोद्दार र गणेश पराजुलीको जोडीलाई २१-१८ र २१-१८ ले, एपिएफका सुमन लिम्बु र जोसेफ अधिकारीको जोडीले किर्तिपुरका सुरेश बज्राचार्य र बेनु महर्जनलाई २१-१४ र २१-१८ ले हराउँदै प्रिक्वाटरमा स्थान बनाए ।
यस्तै पुलिसका अनिष श्रेष्ठ र गौरव दाहालको जोडीले बुल्स जिमका नारायण दाहाल र लवराज निरौलाको जोडीबाट वाक ओभर, एपिएफका सुनिल जोशी र गौतम कठायतको जोडीले सोयंभुका गोकुल तामाङ्ग र दिल बहादुर गुरुङ्गको जोडीलाई २१-१४ र २१ -१३ ले, र सुदीप सेढाई र साजन कृष्ण ताम्रकारको जोडीले फ्लेक्स ग्रुपका बिरेन्द्र बुढाथोकी र मनोज डङ्गगोलको जोडीबाट वाक ओभर, एपिएफ र पुलिसका निरञ्जन देवकोटा र पूर्ण बहादुर थापाको जोडीले रुपन्देहीका दीप सूर्यबंशी र रोशन कुमालको जोडीलाई २१-१० र २१-१६ ले, जेष्ट ब्याडमिन्टनका दीपक राना र आशिष तामाङ्गले एपिएफका रमेश शेर्पा र पूर्ण बहादुर बुढाथोकीको जोडीलाई २१-१९, २१-१९ ले तथा पुलिसका हिरा राई र सोनाम खपाङ्गीको जोडीले मैत्रीनगरका सन्तोष कुमार पन्त र सुशिल पौडेलको जोडीलाई २१-११, २१-११ ले हराउँदै प्रिक्वाटरमा प्रवेश गरे ।
मास्टर्स ३५ बर्ष माथिको खेलमा एपिएफका कमल गिरी र सुधिर सुवेदीको जोडी एपिएफकै हर्क राज पन्त र लक्ष्मण थापाको जोडीलाई २१- १६ र २१-१४ को जित निकाल्दै दोस्रो चरण प्रवेश गरे ।
