आठौँका लागि सुदूरपश्चिमबाट १३ कराते खेलाडी छनोट

धनगढी । प्रदेश पाँचमा आयोजना हुने आठौं राष्ट्रिय खेलकुद प्रतियोगिताका लागि सुदूरपश्चिमबाट करातेतर्फ १३ खेलाडी छनोट भएका छन् । करातेको विभिन्न विधामा पुरुष र महिला गरि १३ खेलाडी छनोट भएका हुन् ।

आठौंका लागि कुमुते (फाईट) तर्फ पुरुषमा ५५ किलोमा कमल वली, ६० किलोमा जगतसिह धानुक, ६७ किलोमा दिनेशराज पनेरु, ७५ किलोमा लोकेश पार्की र ८४ किलो भन्दा माथिमा सागर शाही छनोट भएका छन्। 

यस्तै सोही विधाको महिलामा ४५ किलोमा बर्षा साउद, ५० किलोमा पुष्पा मडै र ६८ किलोमा शर्मिला घर्तीमगर छनोट भएका छन्।

यस्तै एकल कातामा पुरुष तर्फ ललित खत्री र महिला तर्फ बर्षा साउद छनोट भए । यस्तै टिम कातामा शेर वहादुर धानुक, धर्मेन्द्र रेग्मी र जगतसिह धानुक छनोट भए ।