ग्रासरुट फुटबलमा एन्फा र अष्ट्रेलिया एन्फाको सहकार्य

काठमाडौं । अष्ट्रेलियामा रहेको अष्ट्रेलियन नेपाली फुटबल एसोसिएसनले नेपालको ग्रासरुट फुटबलमा सहयोग गर्ने भएको छ । अखिल नेपाल फुटबल संघ एन्फाले आफ्ना सदस्य जिल्लामा ग्रासरुट कार्यक्रम गरिरहेको छ । साे ग्रासरुट कार्यक्रम प्रत्येक शनिबार बिहान प्रत्येक जिल्लामा हुनेगर्छ ।

अष्ट्रेलियामा रहेको नेपाली फुटबल एसोसिएसनले ग्रासरुट फुटबलको विकासमा एन्फासँग तीन बर्षको सम्झौता गरेको छ । आईतबार एक कार्यक्रमकाबीच एन्फाका अध्यक्ष कर्माछिरिङ शेर्पा र अष्ट्रेलियन नेपाली एसोसिएनका अध्यक्ष बिजेन बटाजुले सम्झौता पत्रमा हस्ताक्षर गरेका छन् ।

सम्झौता अनुसार अष्ट्रेलियन नेपाली फुटबल एसोसिएसनले प्रत्येक बर्ष एन्फालाई २ लाख उपलब्ध गराउनेछ । त्यसमध्ये एक लाख भने सहारा एकेडेमीको खर्चमा हुनेछ । अर्को एक लाख एन्फाले आफ्ना सदस्य जिल्लामा प्रयोग गर्न पाउनेछ ।