एक्सट्रिमको लाइभ स्क्रिनिङमा दुर्गेशको कन्सर्ट

काठमाडौं। आईसीसी पुरुष टी–२० विश्वकप अन्तर्गत नेपाल र इटालीबीचको खेलको अवसरमा भक्तपुरमा विशेष लाइभ स्क्रिनिङ कार्यक्रम आयोजना हुने भएको छ।

बिहीबार सल्लाघारी मैदान, भक्तपुरमा ठूलो पर्दामा खेल प्रत्यक्ष प्रदर्शन गरिने आयोजकले जनाएको छ। एक्सट्रिम इनर्जी ड्रिंकको प्रायोजनमा हुने उक्त कार्यक्रममा दर्शकका लागि निःशुल्क प्रवेशको व्यवस्था गरिएको छ।

साथै उपस्थित दर्शकलाई निःशुल्क एक्सट्रिम इनर्जी ड्रिंक पनि वितरण गरिने जानकारी दिइएको छ। खेलको रोमाञ्चसँगै सांगीतिक मनोरञ्जनसमेत समेटिएको यस कार्यक्रममा चर्चित गायक दुर्गेश थापा र कमल खत्रीको लाइभ प्रस्तुति रहनेछ।

खेल हेर्न आउने दर्शकले सांगीतिक माहोलमा टी–२० विश्वकपको मज्जा लिन सक्ने आयोजकको विश्वास छ। भक्तपुरबाहेक काठमाडौंको सिफल ग्राउन्ड र बुद्ध मल, धनगढीको जेन–जेड मार्ग, पोखराको हलनचोक र नेपालगञ्जको सेतु बीके चोकमा पनि लाइभ स्क्रिनिङ गरिने जनाइएको छ।