काठमाडौं । रानिपोखरी कर्नर टिम आरसिटीले सहिद स्मारक 'बी' डिभिजन लिगमा विजयी सुरुवात गरेको छ । आईतबार एन्फा कम्प्लेक्स सातदोबाटोमा भएको पहिलो खेलमा आरसिटीले नयाँ बस्ती युथ क्लबलाई ३–१ ले गोल अन्तरले पराजित गर्याे ।
एक गोलले पछाडी परेको अवस्थामा जित निकाल्दै आरसिटीले खेल आफ्नो पक्षमा पारेको हो । आरसिटीको जितमा संसार नन्द पलान्चोकेले दुई गोल गरे । पुकार आले मगरले एक गोल गरे ।
खेलको पहिलो मिनेटमानै सानी कुमार चौधरीले गोल गर्दै नयाँ बस्ती युथ क्लबलाई अग्रता दिलाएका थिए ।
आरसिटी पेनाल्टी मार्फत खेलमा फर्कियो । खेलको २९ मिनेटमा आरसिटीलाई पुकारले खेल बराबरीमा ल्याएका थिए । खेलको ५१ र अतिरिक्त समयमा गोल गर्दै संसार नन्द पलान्चोकेले आरसिटीलाई महत्वपुर्ण तीन अंक दिलाएका थिए ।
यो जितसंगै आरसिटीको तीन अंक जोडेको छ । नयाँ बस्ती अंक जोड्न असफल भयो । पहिलो खेलमा झम्सिखेल युथ क्लब र टुसाल युथ क्लबले विजयी सुरुवात गरेका थिए ।
-1747652309.jpeg)
