काठमाडौं। नेपाली यु-२३ टोलीको कप्तानी सुमित श्रेष्ठले गर्ने भएका छन्।
नेपालले केहीबेरमा घरेलु टोली ताजकिस्तानसँग खेल्दै एएफसी यु-२३ एसियन कपको सुरुआत गर्नेछ।
अखिल नेपाल फुटबल संघ (एन्फा)ले विदाइ गर्दा मुख्य प्रशिक्षक नवीन न्यौपानेसँगै कप्तानको रुपमा विंगर आयुष घलानलाई प्रस्तुत गरेको थियो।
टोलीको उपकप्तानी जिम्मेवारी भने सुमित श्रेष्ठलाई दिइएको थियो। तर, पहिलो खेलमा आयुष सुरुआती ११ मा नपरेपछि कप्तानी जिम्मेवारी सुमितले पाएका हुन्।
सुरुआती ११ मा सिनियर टोलीबाट खेलिसकेका सुमितसँगै नीराजन धामी पनि छन्। यस्तै, एरोन थापा, कृतिशरत्न छुन्जु, सन्तोष खत्रीलगायतका खेलाडी पनि छन्।
