मच्छिन्द्रको पुनरागमन जित

काठमाडौं। मच्छिन्द्र फुटबल क्लबले एन्फा यु–१६ युथ लिगमा पुनरागमन जित हासिल गरेको छ।

सातदोबाटोस्थित एन्फा कम्प्लेक्समा बिहीबार सम्पन्न खेलमा संकटा क्लबलाई २–१ ले पराजित गरेको हो।

जितसँगै तेस्रो स्थानमा उक्लिएको मच्छिन्द्रले ८ खेलबाट १७ अंक पुर्‍याएको छ। पराजित संकटा भने १८ अंकसहित दोस्रो स्थानमा छ।

मच्छिन्द्रको जितमा राहुलकुमार योञ्जन र गोविन्द विकले गोल गरे। संकटाका पेम्बा तामाङले गरेको गोल सान्त्वना रह्यो।

उनले ३३औं मिनेटमा गोल गरेका थिए।