सन्दीपसहित १२ खेलाडी भारतमा प्रशिक्षण गर्न नजाने

काठमाडौं।  लेग स्पिनर सन्दीप लामिछानेसहित १२ खेलाडी आइसिसी टी–२० विश्वकप छनोटको तयारी गर्न भारत नजाने भएका छन्।

नेपाल क्रिकेट संघ (क्यान) ले शुक्रबार  दोस्रो चरणको बन्द प्रशिक्षणका लागि भारत जाने २० खेलाडीको नाम घोषणा गरेको थियो। दोस्रो चरणको बन्द प्रशिक्षण भारतको बेंगलुरुमा हुनेछ।

तर, २० जनाभित्र सन्दीपसहित तीव्र गतिका बलर सोमपाल कामी, करण केसी र कमलसिंह ऐरी अटाएनन्। स्पिनर ललितनारायण राजवंशी, अलराउन्डर गुल्शनकुमार झा, बसीर अहदम र किरण ठगुन्ना, आदिल अन्सारी पनि २० जनाको टोलीमा छैनन्। यीबाहेक पवन सर्राफ , शेर मल्ल र अर्जुन घर्ती पनि टोलीमा हुने छैनन्। 

बोर्ड अफ कन्ट्रोल फर क्रिकेट इन इन्डिया (बीसीसीआईको सहयोगमा बेंगलुरुस्थित राष्ट्रिय क्रिकेट एकेडेमीमा जुलाई २१ देखि अगस्ट ३ सम्म दोस्रो चरणको बन्द प्रशिक्षण सञ्चालन हुनेछ। 

भारतमा नजाने १२ खेलाडीले भने नेपालमै अभ्यास गर्ने क्यानले जनाकारी दिएको छ।

भारत जाने खेलाडीको नामावलीः-
१. रोहितकुमार पौडेल
२. कुशल भुर्तेल
३. आशिफ शेख
४. लोकेश बम
५. अनिलकुमार साह
६. भीम सार्की
७. आरिफ शेख
८. दीपेन्द्रसिंह ऐरी
९. कुशल मल्ल
१०. रुपेशकुमार सिंह
११. विवेककुमार यादव
१२. रिजन ढकाल
१३. प्रतिश जिसी
१४. नन्दन यादव
१५. युवराज खत्री
१६. साहब आलम
१७. सन्दिप जोरा
१८. सागर ढकाल
१९. आकाश चन्द
२०. शुभ कंसाकार