थाइल्यान्ड जाने नेपाली टोलीको बिदाइ

काठमाडौं। थाइल्यान्डसँग दुई मैत्रीपूर्ण फुटबल खेल्न त्यसतर्फ प्रस्थान गर्न लागेको नेपाली राष्ट्रिय महिला फुटबल टोलीलाई मंगलबार बिदाइ गरिएको छ।

सातदोबाटोस्थित एन्फा कम्प्लेक्समा एन्फा अध्यक्ष पंकजविक्रम नेम्वाङ, महासचिव किरण राई, प्रवक्ता सुरेश शाहलगायतले खेलाडी तथा प्रशिक्षक टोलीलाई बिदाइ गरेका हुन्।

एफसी महिला एसियन कप अस्ट्रेलिया २०२६ छनोटको तयारीस्वरूप नेपालले थाइल्यान्डसँग मैत्रीपूर्ण फुटबल खेल लागेको हो।

नेपालले एक अन्तर्राष्ट्रिय र एक अनौपचारिक फुटबल खेल्ने एन्फाले जनाएको छ। पहिलो खेल मे ३० मा हुनेछ भने दोस्रो जुन २ मा हुनेछ। दुवै खेल बैंककमा हुनेछन्।

मुख्य प्रशिक्षक राजेन्द्र तामाङले २३ सदस्सीय टोली घोषणा गरिसकेका छन्।