फिफा विश्वकप फुटबलमा सर्वाधिक गोल गर्ने खेलाडी

काठमाडौं । विश्व फुटबलको महाकुम्भ फिफा विश्वकपको २१ औं संस्करण जेठ अन्तिम साताबाट सुरु हुँदै छ । जेठ ३१ गते आयोजक रुस र साउदी अरेबियाबिचको खेलसँगै फिफा विश्वकपको यो संस्करण सुरु हुनेछ ।

फिफा विश्वकपको २१ औं संस्करणसम्म आइपुग्दा विश्वकपमा धेरै किर्तिमानहरु बनेका छन् । यस्तै किर्तिमानमध्ये विश्वकपमा हालसम्म सर्वाधिक गोल गर्ने खेलाडी को हुन् ? भन्ने आम खेलप्रेमीमा चासो रहन्छ ।

सन् १९३० देखि सुरु भएको विश्वकपमा सर्वाधिक गोल गर्ने खेलाडीको किर्तिमान जर्मनीका पुर्व फरवार्ड मिरोस्लाभ क्लोज हुन् । क्लोजले आफ्नो करियरमा ४ विश्वकप खेल्दै उक्त किर्तिमान बनाएका हुन् ।

मिरोस्लाभ क्लोज (जर्मनी)

जर्मनीका पुर्व फरवार्ड मिरोस्लाभ क्लोजले विश्वकपमा १६ गोल गर्दै किर्तिमान बनाएका छन् । क्लोजले चार विश्वकप खेल्दै उक्त किर्तिमान बनाएका हुन् । यो किर्तिमान बनाउन क्लोजले पेले, रोनाल्डो जस्ता लिजेण्ड खेलाडीलाई पछि पारेका छन् ।

क्लोजले सन् २०१४ मा सम्पन्न ब्राजिल विश्वकप आयोजक ब्राजिलविरुद्ध एक गोल गर्दै १६ गोलको किर्तिमान राखेका थिए । यसअघि यो किर्तिमान ब्राजिलका लेजेण्ड रोनाल्डोको नाममा रहेको थियो । सन् २००२ देखि २००६, २०१० र २०१४ को विश्वकप खेलेका क्लोजले विश्वकपमा २४ खेल खेलेका थिए । ब्राजिल विश्वकपपछि उनले सन्यास लिएका थिए ।

रोनाल्डो (ब्राजिल)

फिफा विश्वकप फुटबलमा सर्वाधिक गोल गर्ने खेलाडीको दोस्रो नम्बरमा ब्राजिलियन लेजेण्ड रोनाल्डोको नाममा रहेको छ । रोनाल्डोले विश्वकपमा १५ गोल गरेका छन् । जर्मनीका क्लोजले १६ गोल गर्नुअघि रोनाल्डोकै नाममा किर्तिमान रहेको थियो ।

गर्ड मुलर (जर्मनी)

जर्मनीका पुर्व लेजेण्ड गर्ड मुलर पनि विश्वकपमा सर्वाधिक गोल गर्ने खेलाडीमा पर्छन् । मुलरले विश्वकप फुटबलमा १४ गोल गरेका छन् । सन् १९७० मा मेक्सिकोमा सम्पन्न भएको विश्वकपमै १० गोल गरेका मुलर सर्वाधिक गोलकर्ताको तेस्रो नम्बरमा आउँछन । सन् १९७४ को विश्वकपमा ४ गोल गर्दै मुलरले १४ गोलको किर्तिमान राखेका थिए । तर, उक्त किर्तिमान रोनाल्डोले तोडेका थिए ।

जष्ट फन्टेइन (फ्रान्स)