काठमाडौं। भरतको चेन्नाई सहरमा आयोजना हुने एसिया ट्राइयाथलन कपमा सहभागी हुन जाने नेपाली ट्राइयाथलन टोलीलाई बिदाइ गरिएको छ।
संघका अध्यक्ष निलेन्द्रराज श्रेष्ठ र महासचिव युवराज सुनुवारले टोलीलाई बिदाइ गरेका हुन्। चेन्नाई जाने टोलीमा पुरुषतर्फ मौलिक महर्जन र यजु महर्जन तथा महिलातर्फ युस्का महर्जन छन्।
यस्तै, टिम व्यवस्थापकमा मिकेन महर्जन र निर्णायकहरूमा शुभ श्रेष्ठ र विनोद तण्डुकार छन्। फागुन ४ गते आयोजना हुने एसिया कपमा सहभागी हुन मौलिक र युस्का बेङ्गलोरबाट सिधै चेन्नाई पुग्ने महासचिव सुनुवारले जानकारी गराए। मौलिक र युस्का एसिया कपका लागि बेङ्गलोरमा प्रशिक्षणरत छन्।
