१९‍औं एनएनआइपिए स्पोर्ट्स अवार्ड पुस तेस्रो साता

काठमाडौं। १९‍औं एनएनआइपिए स्पोर्ट्स अवार्ड पुस तेस्रो साता हुने भएको छ। नेपाल राष्ट्रिय तथा अन्तर्राष्ट्रिय खेलाडी संघले आफ्नो वार्षिक कार्यक्रम अनुसार प्रत्येक वर्ष खेलाडीको प्रोत्साहनका अवार्ड कार्यक्रमा सञ्चालन गर्दै आएको छ। सोही कार्यक्रमलाई निरन्तरता दिँदै पुस २० गते शनिबार अवार्ड कार्यक्रम गर्न लागेको संघले जनाएको छ।

संघका अनुसार अवार्ड कार्यक्रममा गत वर्ष आयोजना भएको १९औं एसियाली खेलकुद प्रतियोगितामा समावेश भएका २९ खेललाई आधार मानेर सम्बन्धित संघले सिफारिस गरिएका खेलाडीलाई वर्ष उत्कृष्ट खेलाडी-२०८० बाट सम्मान गरिनेछ। संघका अनुसार २९ खेलमध्येका उत्कृष्ट खेलाडीलाई १० हजार रुपैयाँ दिइने छ।

उत्कृष्ट खेलाडीमध्येबाट एक पुरुष र एक महिलालाई सर्वोकृष्ट खेलाडी अर्वाडबाट एक लाख रुपैयाँले सम्मानित गरिने छ। एक पुरुष र एक महिला प्रतिभाशाली खेलाडीलाई ५० हजार, एकजना पाका खेल व्यक्तिलाई गजराज आर्दश खेल व्यक्तित्वबाट ३५ हजार, एक खेल पत्रकारलाई एनएनआइपीए खेल पत्रकारिता पुरस्कारबाट ३५ हजार र 
एक जना वर्ष उत्कृष्ट पारा खेलाडीलाई १५ हजार रुपैयाँबाट सम्मान गरिने संघले जनाएको छ।