सुदूरपश्चिम रोयल्सका मेन्टर हज नेपालमा

काठमाडौं। नेपाल प्रिमियर लिग (एनपिएल)को फ्रेन्चाइज टोली सुदूरपश्चिम रोयल्सका मेन्टर ब्राड हज नेपाल आइपुगेका छन्।

उनी सोमबार नेपाल आएका हुन्। खेलाडीको भूमिकामा विश्व च्याम्पियन अस्ट्रेलियाबाट खेलेका उनले विश्वभरका फ्रेन्चाइज लिग खेलेको अनुभव छ।

सुदूरपश्चिम रोयल्सको मार्की खेलाडी सुदूरपश्चिम प्रदेशकै दीपेन्द्रसिंह ऐरी छन्। मेन्टरमा अस्ट्रेलियाका हज र मुख्य प्रशिक्षकमा जगत टमाटा छन्। रोयल्सले आफ्नो कोटाका चार विदेशी खेलाडीलाई पनि अनुबन्ध गरिसकेको छ।

ब्रान्डन मक्मलेन (स्कटल्यान्ड), सेफ अलि जेब (इङ्ल्यान्ड), स्कट कुगेलेइन (न्युजिल्यान्ड) र रोहन मुस्तफा (युएई) लाई टिममा समावेश गरेको छ।

त्यस्तैऽ आरिफ शेख, अभिनास बोहोरा, विनोद भण्डारी , अर्जुन कुमाल, खडक बोहोरा, इशान पाण्डे, नरेश बूढाऐर, भोजराज भट्ट, नरेन साउद , अमित श्रेष्ठलाई अक्सनमार्फत टिममा भित्र्याएको थियो। ट्यालेन्ट हन्टबाट आइकोनिक खेलाडीमा अलराउन्डर वसन्त खत्रीलाई छनोट गरेको छ।