भारतमा ‘फ्यानकोड’ले एनपिएल प्रत्यक्ष प्रशारण गर्ने

काठमाडौं। पहिलो संस्करणको नेपाल प्रिमियर लिग (एनपिएल) ‘फ्यानकोड’ मा पनि प्रत्यक्ष प्रशारण हुने भएको छ।

नेपाल क्रिकेट संघ (क्यान) का अनुसार भारतमा मात्रै ओभर दी टप प्लाटफर्म (ओटीटी) मा प्रत्यक्ष प्रशारण गर्न लागिएको हो।

क्यानले यसअघि नै लोकप्रिय भारतीय च्यानल स्टार स्पोर्ट्सबाट टेलिभिजनमा प्रत्यक्ष प्रशारण देखाउने घोषणा गरिसकेको छ। यसका लागि क्यान आफैंले पैसा तिरेको पनि जनाइएको छ। प्रतियोगिता मंसिर १५ गतेदेखि कीर्तिपुरस्थित त्रिवि क्रिकेट मैदानमा सुरु हुँदैछ।