आइपिएल अक्सनको सूचीमा फेरि समेटिए आर्चर

काठमाडौं। इङ्ल्यान्डका तीव्र गतिका बलर जोफ्रा आर्चर इन्डियन प्रिमियर लिग (आइपिएल) अक्सनको सूचीमा फेरि परेका छन्।

उनको नाम गत हप्ताको अन्त्यमा फ्रेन्चाइजीहरूलाई पठाइएको सर्टलिस्टमा थिएन। बिहीबार सूचीमा आर्चरलाई अनौपचारिक रूपमा समेटिएको हो। दुई दिने आइपिएल मेगा अक्सन नोभेम्बर २४ र २५ मा साउदी अरेबियाको जेद्दाहमा हुनेछ।

मुम्बई इन्डियन्सले सन् २०२२ को मेगा अक्सनमा आर्चरमा आठ करोड भारुमा भित्र्याएको थियो। तर, उनी त्यो सिजन खेल्नका लागि फिट थिएनन्। आर्चरले सन् २०२३ मा मुम्बई इन्डियन्सका लागि पाँच खेल खेलेका थिए र दुई विकेट लिए।

आर्चर आफ्नो गत आईपिएल सिजन (२०२०) मा सबैभन्दा मूल्यवान खेलाडी घोषित भए। त्यस सिजनमा उनले युएईमा भएको प्रतियोगितामा राजस्थान रोयल्सबाट २० विकेट लिएका थिए।