नेपाल आइपुगे पोखराका मुख्य प्रशिक्षक राजिव

काठमाडौं। पोखरा एभेन्जर्सका मुख्य प्रशिक्षक राजिव कुमार नेपाल आइपुगेका छन्।

इन्डियन प्रिमियर लिग (आईपीएल)को फ्रेन्चाइजी चेन्नाई सुपर किंग्सको फिल्डिङ प्रशिक्षक रहिसकेका कुमार सोमबार राति पोखरा आइपुगेका हुन्। 

पोखराले उनलाई नेपाल प्रिमियर लिग (एनपीएल) का लागि मुख्य प्रशिक्षकमा नियुक्त गरेको छ। नेपाली राष्ट्रिय टिमका ओपनर कुशल भुर्तेल मार्की खेलाडी रहेको टोलीमा गण्डकीका रिजन प्रजुले सहायक प्रशिक्षको भूमिका निर्वाह गर्नेछन्।