नेपाली यु–१९ टोलीले कर्नाटकसँग ओडी शृंखला खेल्ने

काठमाडौं। नेपाली यु–१९ टोलीले घरेलु मैदानमा कर्नाटकसँग ओडी शृंखला खेल्ने भएको छ।

नेपालले नोभेम्बर २९ देखि डिसेम्बर ८ सम्म संयुक्त अरब इमिरेट्स (युएई) मा यु–१९ एसिया कप खेल्दै छ। त्यसैको तयारीस्वरुप नेपालले कर्नाटकसँग पाँच खेलको अभ्यास ओडी शृंखला खेल्न लागेको हो।

शृंखला बुधबारदेखि माथिल्लो मूलपानी मैदानमा हुने नेपाल क्रिकेट संघ (क्यान) ले जनाएको छ। क्यानका अनुसार बुधबार पहिलो खेल हुनेछ। यस्तो, दोस्रो खेल शुक्रबार र तेस्रो आइतबार हुनेछ। मंगलबार चौथो र बुधबार अन्तिम खेल हुँदै शृंखला सक्किनेछ।