प्लेट फाइनल प्रवेश गर्न युएईसँग भिड्दै नेपाल

काठमाडौं। नेपालले हङकङ सिक्स क्रिकेट प्रतियोगिताको प्लेट फाइनल प्रवेश गर्न युएईसँग भिड्दैछ।

खेल आइतबार बिहान ८ बजे हुनेछ। शनिबार कप सेमिफाइनल प्रवेशका लागि भएको खेलमा नेपाल श्रीलंकासँग ४० रनले पराजित हुँदै क्वार्टरफाइनलबाट बाहिरिएको थियो।

क्वार्टरफाइनलबाट बाहिरिने टोलीले प्लेट सेमिफाइनल खेल्नेछन्। युएई भने बंगलादेशसँग डिएलएस मेथर्डमा १८ रनले पराजित हुँदै क्वार्टरफाइनलबाट बाहिरिएको थियो। अर्को सेमिफाइनलमा भने आयोजक हङकङ र दक्षिण अफ्रिका भिड्दैछन्।