अस्ट्रेलियाविरुद्ध सन्दीपको अर्धशतक

काठमाडौं। नेपाली टोलीका कप्तान सन्दीप जोराले हङकङ सिक्स क्रिकेट प्रतियोगितामा अस्ट्रेलियाविरुद्ध अर्धशतक पूरा गरेका छन्। 

जारी प्रतियोगितामा यो उनको दोस्रो अर्धशतक हो। यसअघि उनले इङ्ल्यान्डविरुद्ध १२ बलमै अर्धशतक प्रहार गरेका थिए। शनिबार अस्ट्रेलियाविरुद्ध उनले १६ बलमा अर्धशतक पूरा गरेका हुन्। यसपल्ट उनले अर्धशतक पूरा गर्न पाँच चौका र चार छक्का प्रहार गरे।

यद्यपि, ५० रन पूरा गरेपछि रिटायर्ड हर्ट हुनुपर्ने नियमका कारण उनले कृज छाड्न परेको थियो।