'राष्फोर्ड रोनाल्डो र रुनीको स्तरमा पुग्छन्'

एजेन्सी । म्यानचेस्टर युनाइटेडका अन्तरिम प्रशिक्षक ओले गुनर सोल्सायरले युवा स्ट्राइकर मार्कुस राष्फोर्ड क्लबका पुर्व स्टार स्ट्राइकर क्रिस्टियानो रोनाल्डो र वायन रुनीको स्तरमा पुग्ने बताएका छन् ।

स्ट्राइकर राष्फोर्डसंग २१ वर्षको युवा अवस्थामै उत्कृष्ट स्ट्राइकरसंग हुनुपर्ने गुणहरु रहेको बताउदै प्रशिक्षक सोल्सायरले रोनाल्डो र रुनीको स्तर पुग्ने बताए ।

'राष्फोर्ड अहिले वर्षका भए तर, उनको परिपक्कता २१ भन्दा माथि छ । उनले  आफुलाई प्रमाणित गरेको छ,'प्रशिक्षक सोल्सायरले भने, 'यदि तपाई तथ्यांक हेर्नुहुन्छ भने राष्फोर्डले रोनाल्डो र रुनी भन्दा युवा अवस्थामा युनाइटेडका लागि १५० खेल खेलेका छन् ।'

इन्ग्लिश स्ट्राइकर राष्फोर्डले युनाइटेडका लागि आइतबार ब्राइटनविरुद्ध खेल्दै युनाइटेडका लागि १५० औ खेल खेलेका थिए । र, ब्राइटनविरुद्ध गोल गर्दै राष्फोर्डले क्लबका लागि ४१ औ गोल पुरा गरेका थिए ।

यस्तै प्रशिक्षक सोल्सायरले राष्फोर्ड टप क्लास स्ट्राइकर रहेको बताए  ।

यस सिजन राष्फोर्डले युनाइटेडबाट ८ गोल गरिसकेका छन् । राष्फोर्डले रोमेरो लुकाकु, पाउल पोग्बा र एन्थोनी मार्सियलसंग उच्च गोलकर्तामा दाबेदार दिईरहेका छन्  ।