ओल्ड ट्राफोर्डमा रहने छन् फर्नान्डेज

काठमाडौं। म्यानचेस्टर युनाइटेडका कप्तान ब्रुनो फर्नान्डेजले सन् २०२७ को जुनसम्म ओल्ड ट्राफोर्डमा रहने गरी नयाँ सम्झौता गरेका छन्। 

पोर्चुगल मिडफिल्डर जनवरी २०२० मा युनाइटेड आएका थिए। उनले २३४ खेलमा ७९ गोल गरेका छन्।

युनाइटेडले बुधबार नयाँ सम्झौता गरेको जानकारी दिएको हो। जसमा थप एक वर्ष सम्झौता थप्ने विकल्प दिइएको छ। गत सिजनको अन्त्यमा २९ वर्षीय फर्नान्डिजले यो समरमा क्लब छोड्न सक्ने अनुमान गरिएको थियो।