नेपालको विजयी सुरूआत

काठमाडौं। आयोजक नेपालले काभा वुमन्स नेसन्स भलिबल लिगमा विजयी सुरूआत गरेको छ।

त्रिपुरेश्वरस्थित राष्ट्रिय खेलकुद परिषद् (राखेप)को कभर्डहलमा बिहीबार भएको उद्घाटन खेलमा नेपालले श्रीलंकालाई ३-० को सोझो सेटमा पराजित गरेको हो।

पहिलो सेट नेपालले २५-१९ ले सहजै जितेको थियो। दोस्रो सेटमा नेपालले २५-१८ ले जित्यो। एक समय ४-४ को स्थिमा रहेको नेपालले लगातार ६ अंक जोडेको थियो । तेस्रो सेटमा पनि नेपालले संघर्ष गर्‍यो। ९-१७ ले पछि रहेको अवस्थामा नेपालले लगातार अंक जोड्दै खेल २५-१९ ले आफ्नो पक्षमा पार्‍यो।