काठमाडौं। अस्ट्रेलियाले आइसिसी ट्वान्टी– २० विश्वकपको सेमिफाइनलमा प्रवेश गर्न भारतलाई हराउनै पर्ने भएको छ।
आइतबार बिहान सम्पन्न सुपर एटको दोस्रो खेलमा अफगानिस्तानसँग २१ रनले पराजित भएसँगै अस्ट्रेलियाले अन्तिम खेलको नतिजा कुर्नुपर्ने भएको हो। सुपर एटको समूह १ मा रहेको अस्ट्रेलियाले भारतसँग अन्तिम खेल सोमबार खेल्ने छ।
भारत भने बंगलादेश ५० र अफगानिस्तानलाई ४७ रनले पराजित गर्दै एक खेलअगावै सेमिफाइनलमा पुगिसकेको छ।
यो समूहमा अस्ट्रेलिया र अफगानिस्तानको समान दुई अंक रहेको छ। तर, अस्ट्रेलिया रनरेटमा अघि छ। अफगानिस्तानले भने अन्तिम खेल प्रतियोगिताबाट बाहिरिसकेको बंगलादेशसँग खेल्ने छ। यी दुई टोलीबीचको खेल मंगलबार हुनेछ।
