काठमाडौं। रहमानउल्लाह गुरबाज र इब्राहिम जद्ररानको अर्धशतकसँगै अफगगानिस्तानले आइसिसी ट्वान्टी– २० विश्वकपअन्तर्गत सुपर एट मा अस्ट्रेलियालाई १४९ रनको लक्ष्य दिएको छ।
टस हारेर पहिला ब्याटिङ थालेको अफगानिस्तान निर्धरित २० ओभरमा ६ विकेट गुमाउँदै १४८ रन बनाएको हो।
अफगानिस्तानका गुरबाजले सर्वाधिक ६० रन बनाए। ४९ बल खेलेका उनले समान चार चौका र छक्का प्रहार गरे।
इब्राहिमले ४८ बलमा ६ चौकासहित ५१ रन बनाए। करिम जनत १३ रनमा आउट हुँदा मोहम्मद नाबी १० रनमा अविजित रहे। अन्यले भने राम्रो प्रदर्शन गर्न सकेनन्।
अस्ट्रेलियाका प्याट कमिन्सले सर्वाधिक तीन विकेट लिए। एडम जाम्पाले दुई र मार्कस स्टोयनिसको नाममा एक विकेट रह्यो।
