सुनिल लाल जोशी स्मृति अन्तर संघ फुटसल हुने

काठमाडौं । स्वर्गीय ओलम्पियन सुनिल लाल जोशीको स्मृतिमा दोस्रो संकरणको अन्तर संघ फुटसल प्रतियोगिता हुने भएको छ ।

नेपाल खेलाडी तथा प्रशिक्षक संघको आयोजना दोस्रो संस्करणको प्रतियोगिता हुने भएको हो ।  प्रतियोगिता फाल्गुन २४ देखि ३० गते सम्म संचालन हुनेछ । प्रतियोगितामा राष्ट्रिय खेल संघ तथा खेलसंग सम्बन्धित संस्थाहरुले सहभागिता जनाउने छन् ।

प्रतियोगिताको विजेताले ७५ हजार, दोस्रोले ५० हजार र तेस्रो हुने टिमले २५ हजार प्राप्त गर्नेछ ।