काठमाडौं। भारतीय कप्तान रोहित शर्माले अफगानिस्तानविरुद्धको सुपर एटको खेलअघि यो चरणमा तालिका अलि व्यस्त हुने बताएका छन्। तर, उनका खेलाडीहरू त्यसका लागि तयार रहेको बताएका छन्।
रोहितले खेलाडीमा पनि केही विशेष गर्ने इच्छा रहेको बताए । भारतले आफ्नो सुपर एट अभियान जुन २० मा अफगानिस्तानविरुद्ध सुरु गर्नेछ। त्यसपछि टोलीले २२ जुनमा बंगलादेशसँग र २४ जुनमा सेन्ट लुसियामा अस्ट्रेलियासँग खेल्नेछ ।
भारतीय टोलीले लामो अभ्यास सत्रमा गरेको थियो। जसमा विराट कोहली र रोहितजस्ता खेलाडीहरूले नेटमा सामान्य भन्दा बढी समय बिताए। यस समयमा रोहित कुरा गरिरहेको देखिए। समूह चरणमा फ्लप भएका कोहलीले नेटमालामो समयसम्म ब्याटिङ अभ्यास गरे। भारतीय टोलीले लिग चरणमा आयरल्यान्ड, पाकिस्तान र संयुक्त राज्य अमेरिकालाई हराएको थियो। तर, क्यानडासँग वर्षाका कारण रद्द भएको थियो। भारत समूह ए को शीर्ष स्थानमा रहँदै सुपर एटमा प्रवेश गरेको छ ।
भारतीय क्रिकेट कन्ट्रोल बोर्ड (बीसीसीआई) ले अपलोड गरेको भिडियोमा रोहितले पहिलो खेल खेलेपछि अर्को दुई खेल तीन वा चार दिनको अन्तरमा खेल्ने बताएका छन् ।
'यो धेरै व्यस्त तालिका हुन गइरहेको छ। तर, हामी यी सबैमा अभ्यस्त छौं। हामी धेरै यात्रा गर्छौं र धेरै खेल्छौं त्यसैले त्यो कहिल्यै बहाना हुने छैन। टोलीमा केही विशेष गर्ने उत्साह छ । यो दोस्रो चरण सुरु गर्ने एक राम्रो तरिका हो,' उनले भने।
