ढाकाविरुद्ध सन्दीप महँगो साबित
काठमाडौं । नेपाली राष्ट्रिय टोलीका लेग स्पिनर सन्दीप लामिछाने बंगलादेश प्रिमियर लिग (बीपीएल) क्रिकेटको तेस्रो खेलमा महँगो साबित भएका छन् ।
सिलेट सिक्सर्सबाट बीपीएल खेलिरहेका सन्दीपले ढाका डाइनामाइट्सविरुद्ध महँगो साबित हुँदै विकेट लिन असफल भए । सन्दीपले ४ ओभर बलिङ गर्दै बिना विकेट ३३ रन खर्चिए ।
सन्दीपले पहिलो ओभरमा ११ रन खर्चिए । त्यस्तै दोस्रो ओभरमा सन्दीपले ८ रन खर्चदा तेस्रो ओभरमा ६ रन खर्चिए । सन्दीपले चौथो ओभरमा ८ रन खर्चिए ।
सन्दीपले तेस्रो खेलमा सर्वाधिक रन खर्चिएका हुन् । यस्तै सन्दीप लगातार दोस्रो खेलमा विकेट बिहिन बनेका छन् । डेब्यु खेलमा उच्च प्रदर्शन गरेका सन्दीपले दोस्रो र तेस्रो खेलमा विकेट लिन सकेनन् ।
डेब्यु खेलमा सन्दीपले ४ ओभर बलिङ गर्दै १६ रन खर्चिएर २ विकेट लिन सफल भएका थिए । दोस्रो खेलमा भने सन्दीपले ४ ओभर बलिङ गर्दै २१ रन खर्चिए ।
