वान रन अन्तर्राष्ट्रिय हाफ म्याराथनको उपाधि राजन र सुमित्रालाई

ललितपुर। प्रथम वान रन अन्तर्राष्ट्रिय हाफ म्याराथनको पुरुषतर्फ राजन रोकाया र महिलातर्फ सुमित्रा चौधरीले उपाधि जितेका छन्। दुवै विजेताले समान ५० हजार रुपैयाँ प्राप्त गरे।

राजनले २१.१ किलोमिटर दौड १ घन्टा १६ मिनेट ७ सेकेन्डमा पूरा गरे। दोस्रो भएका खीमबहादुर खत्रीले उक्त दूरी १ घन्टा १७ मिनेट २४ सेकेन्ड र तेस्रो भएका धर्म महर्जनले १ घन्टा १९ मिनेट ५८ सेकेन्डमा पूरा गरे।

महिलातर्फ सुमित्राले १ घन्टा ३४ मिनेट २६ सेकेन्डमा दौड पूरा गरिन्। उनीपछि पुष्पा भण्डारीले १ घन्टा ४२ मिनेट ५४ सेकेन्डमा दौड पूरा गरेर दोस्रो भइन्। मञ्जु सुनार २ घन्टा ३ मिनेट ८ सेकेन्डको समयमा तेस्रो भइन्। पुरुष १० किलोमिटर दौडमा ३२ मिनेट ३३.१ सेकेन्डको समयसहित राजेन्द्र तामाङ पहिलो भए।

यस्तै, सुरज कार्की ३३ मिनेट ३९.२ सेकेन्डमा दोस्रो र रेम बूढामगर ३४ मिनेट ५३.१ सेकेन्डमा तेस्रो भए। महिलातर्फ १० किलोमिटर दौडमा फुलमती राना ३८ मिनेट २८.०५ सेकेन्डमा पहिलो, आशा रावत ३९ मिनेट ४.४० सेकेन्डमा दोस्रो तथा सगुन राई ५० मिनेट २० सेकेन्डमा तेस्रो भए।