काठमाडौँ। स्पोर्ट्स युनिभर्सले खेलाडीलाई सामाग्री खरिदमा २० प्रतिशत छुट दिने भएको छ। बानेश्वरस्थित स्पोर्ट्स युनिभर्सले आफ्नो १० वार्षिकोत्सवको उपलक्ष्यमा सामाग्री खरिदमा २० प्रतिशत छुट दिने भएको हो।
त्यसका लागि स्पोर्ट्स युनिभर्स र नेपाल राष्ट्रिय तथा अन्तर्राष्ट्रिय खेलाडी संघबीच बिहीबार सम्झौता भएको छ। स्पोर्ट्स युनिभर्सका निर्देशक किशोरकुमार जोशी र खेलाडी संघका अध्यक्ष दीपक श्रेष्ठले एक कार्यक्रमबीच सम्झौता पत्रमा हस्ताक्षर गरे।
छुट पाउनका लागि खेलाडीले खेलाडी संघमा सम्पर्क गरी फाराम भर्नु पर्नेछ। सो फारामका आधारमा खेलाडी संघले कार्ड उपलब्ध गराउने छ। सोही कार्डका आधारमा खेलाडीले २० प्रतिशत छुट पाउने छन्। खेल सामाग्री र पोशाक खरिद गर्दा खेलाडीले छुट पाउने निर्देशक जोशीले बताए। बैशाख १ गतेदेखि लागू हुने सम्झौता १ वर्षका लागि कायम रहने छ।
सोही अवसरमा खेलाडी संघको आयोजनामा चैत १२ गते हुने १८औँ एनएनआईपीए स्पोर्ट्स अवार्डका उत्कृष्ट खेलाडी, सर्वोत्कृष्ट खेलाडी, प्रतिभाशाली खेलाडी, गजराज जोशी खेल व्यक्तित्व, पारा खेलाडी र एनएनआईपीए खेल पत्रकारिता पुरस्कार विजेतालाई पनि स्पोर्ट्स युनिभर्सले गिफ्ट ह्याम्पर प्रदान गरिने जानकारी गराइयो।
-1752311327.jpg)
