उपाधिका लागि बागमती र एपीएफ भिड्ने

पाल्पा । पहिलो संस्करणको लुम्बिनी कप राष्ट्रिय महिला भलिबल प्रतियोगिताको उपाधिका लागि बागमती र एपीएफ भिड्ने भएका छन् । 

मंगलबार दोस्रो सेमिफाइनलमा लुम्बिनी प्रदेशलाई सोझो सेटमा पराजित गर्दै बागमतीले एपीएफसँगको उपाधि भिडन्त पक्का गरेको हो ।

बागमतीले लुम्बिनी प्रदेशलाई २५–१५, २५–८ र २५–१८ को सेटमा पराजित गर्यो ।

बागमतीको जितमा सुमित्रा रेग्मी म्यान अफ दी म्याच घोषित भईन् ।

पहिलो सेमिफाइनलमा कोशी प्रदेशलाई २५–६, २५–७ र २५–३ को सेटमा पराजित गर्दै एपीएफ फाइनल प्रवेश गरेको थियो । 

सरस्वती चौधरी खेलको प्लेयर अफ द म्याच चुनिएकी थिईन् ।

प्रतियोगिताको फाइनल खेल बुधबार हुनेछ । 

प्रतियोगिताको विजेताले २ लाख ५० हजार, दोस्रो हुनेले १ लाख ५० हजार, तेस्रो हुनेले ७५ हजार र चौथों हुनेले ३५ हजार रुपैयाँ प्राप्त गर्नेछन् ।

पाल्पा जिल्ला भलिबल संघको आयोजना भएको प्रतियोगिता लिग कम नकआउटका आधारमा सञ्चालन भैरहेको छ । 

प्रतियोगितालाई लुम्बिनी प्रदेश खेलकुद विकास परिषद्ले मुख्य प्रबर्द्धको रुपमा सहयोग गरेको हो ।