जोगियो सातदोबाटो

काठमाडौं। सातदोबाटो युथ क्लब राष्ट्रिय लिगमा हारबाट जोगिएको छ।

सातदोबाटोस्थित एन्फा कम्प्लेक्समा बुधबार सम्पन्न खेलमा सातदोबाटो र जावलाखेलमा युथ क्लबले १–१ गोलको बराबरी खेलेका हुन्।

जावलाखेलको यो पहिलो बराबरी हो। लिगमा ९ खेल खेलेको जावाखेलले १० अंक जोडेको छ।

सातदोबाटोको भने चौथो बराबरी हो। सातदोबाटोको १० खेलबाट ७ अंक छ। १७ औं मिनेटमा सातदोबाटोको जगजित श्रेष्ठको सटलाई जावलाखेलको गोलकिपर युनेश चौधरीले उत्कृष्ट बचाउ गर्दै टोलीको संकट टारे।

२२ औं मिनेटमा निकोलस ओडाने ह्यामिल्टनको पासमा बौबाकार सिसओखोले गोल गर्दै जावलाखेललाई सुरुआती अग्रता दिलाए। ७१औं मिनेटमा सातदोबाटोको फोडे फोफानाको पासलाई सुवास गोलेले प्रहार गरेको फितलो बललाई चौधरीले बचाए।

खेलको दोस्रो हाफको इन्जुरी समयमा जगजित श्रेष्ठको सानदार गोलमा सातदोबाटोलाई बराबरीमा ल्याए।