एनआरटीसँग लालीगुराँसले खोस्यो अंक

काठमाडौं । राष्ट्रिय लिगमा लालीगुराँस एसोसिएसन क्लबले न्यूरोट टिम (एनआरटी) लाई बराबरीमा रोकेको छ।

सातदोबाटो स्थित एन्फा कम्प्लेक्समा बुधबार सम्पन्न खेलमा लालीगुराँस र एनआरटीले १-१ गोलको बराबरी गर्दै अंक बाँडेका हुन्। लालीगुराँस पाँचौँ बराबरी हो। लिगमा १० खेल खेलेको एनआरटीले अंक २० जोडेको हो।

एनआरटीको यो चौंथो बराबरी हो। समान खेलबाट एनआरटीको १९ अंक छ।

खेलको १७ औं मिनेटमा एनआरटीका मनिष डाँगीले प्रहार गरेको फ्रि- किकलाई लालीगुराँसको गोल किपर कुम्बा देउबाले उत्कृष्ट बचाउ गर्दै टोलीको संकट टारे।

त्यस्तै, २६ औं मिनेटमा कप्तान अन्जन विष्टले गोल गर्दै एनआरटीलाई सुरुवाती अग्रता दिलाए। अञ्जनले फ्रि- किकमा आएको बललाई लक्ष्य दिएका हुन्।

खेलको अन्तिम मिनेटमा आशिष गुरुङले सानदार गोल गर्दै लालीगुराँसलाई खेलमा फर्काउने प्रयास गरे।

खेलमा सुरुवाती अग्रता लिएको एनआरटीले गोल जोगाउन नसक्दा १-१ को बराबरीमा खेल टुङ्गिएको हो।